கொஞ்சம் பெரிய கட்டுரைதான்; ஆங்கில கட்டுரை. தமிழில் மொழிபெயர்ப்பு செய்துள்ளேன்; நேரமெடுத்து நிதானமாக வாசியுங்கள். குறிப்பாக திருமணம் முடித்தவர்கள் முடிக்கவிருப்பவர்கள் கட்டாயமாக வாசித்து, விழிப்புணர்வு அடைந்து கொள்ளுங்கள். உண்மையான சம்பவம் ஒன்றே இது.
️1️⃣ ஒரு அழகான காதல் கதைக்குப் பிறகு அவர்கள் திருமணம் செய்து கொண்டனர், இரண்டு வாரங்களுக்குப் பிறகு கணவர் வேலைக்குச் செல்ல எழுந்தார். முகத்தை கழுவ குளியலறை சென்றவர், கண்ணாடியில் அவருடைய முகத்தில் விதவிதமான வண்ணங்கள் வரைந்த ஓவியங்கள் தெரிந்தது. அவரது மனைவி இளமையாகவும், குழந்தையாகவும், அப்பாவி இதயமுடையவளாகவும் இருந்தாள். அவன் தூங்கிக் கொண்டிருக்கும் போது, அவள்தான் அவனது முகத்தில் வரைந்து வைத்திருக்கிறாள், காலையில் தன்னுடைய அன்பு கணவர் அதைப் பார்த்து சிரிக்க வேண்டும் என்று அவள் மிகுந்த அன்புடன் அப்படி செய்தாள். கணவர் வருத்தத்துடன் முகம் கழுவி விட்டு, தினமும் காலையில் வழக்கமாக செய்யும் தேநீர் குடிக்க சமையலறைக்குச் சென்றார். அவனது தேநீரை காணவில்லை, அவன் மேலும் வருத்தமடைந்து அவளிடம் சென்றான்.
2️⃣ தன் கணவர் தன்னைப் பார்த்து சிரிப்பார், ஏதோ காதல் பாஷை பேசுவார் என்று நினைத்து அவள் சிரித்தாள். ஆனால், நடந்தது வேறு; அவள் கீழே விழும் வரை அவளை அறைந்தான், மேலும் அவளிடம் கத்தினான்: “நான் உன்னுடன் விளையாடுவதற்காக உன்னை திருமணம் செய்து கொள்ளவில்லை, நான் ஒரு ஆண்; சிறு குழந்தை அல்ல. எல்லோர் பார்வையிலும் ஆணாக இருக்க, குழந்தைகளைப் பெற்றுக் கொள்ள, குடும்பம் நடத்தவே உன்னை மணந்தேன். நீ படிக்கும் நாவல்களின் காதல் கதையாக வாழ விரும்புகிறாயா? எழுந்திரு, இந்தக் கதைகள் எல்லாம் ஒரு வீட்டை உருவாக்குவதில்லை, உணவை வழங்குவதில்லை, குழந்தைகளை வளர்ப்பதில்லை. இன்று நான் என் நண்பர்களை மதிய உணவிற்கு அழைத்து வருவேன், நான் திரும்பி வரும் போது எல்லாம் தயாராக இருக்க வேண்டும். உனக்கு புரிகிறதா?" என்று அதட்டி விட்டு, அவன் வெளியே சென்று தன்னை வீட்டின் எஜமானராகப் பார்த்தான்.
3️⃣ அவன், அவள் மனதை உடைத்தே விட்டான்; அவளுடைய எதிர்பார்ப்புகளை எல்லாம் ஏளனப்படுத்தியே விட்டான் என்பது அவனுக்கு புரிந்ததா இல்லையா என்று தெரியவில்லை. அவளால் நன்றாக மூச்சு விட முடியாத அளவுக்கு ஏங்கி ஏங்கி அழுதாள், அவள் உடல் நிலை சரியில்லாமல் போனது. இந்த நிலையிலும் தன் கணவர் சொன்னதை செய்ய வேண்டுமென்று அவசரமாக மதிய உணவைத் தயாரிக்கச் சென்றாள், கண்ணீர் அவள் கன்னங்களை விட்டு அகலவில்லை.
https://m.facebook.com/story.php?story_fbid=1376090123343678&id=100028281103831&mibextid=Nif5oz
4️⃣ கணவன் சென்று தன் நண்பனிடம் சிரித்துக் கொண்டே நடந்ததைச் சொன்னான்: “கல்யாணம் எல்லாம் காதல், காதல் என்று நினைக்கிறார்கள். பெண்களை இப்படித்தான் நடத்த வேண்டும் நண்பரே. இல்லையேல், அவள் பொறுப்பைக் கற்றுக் கொள்ள மாட்டாள். அவள் நல்ல தாயாக இருக்க மாட்டாள். திருமணம் என்பது அவள் பார்ப்பது போலவோ, படிப்பதைப் போலவோ இல்லை என்பதை அவள் அறிந்திருக்க வேண்டும். திருமணம் என்பது விளையாட்டோ நாவலோ அல்ல என்பதை அவர்கள் கற்றுக் கொள்ள வேண்டும்.
5️⃣ ஆனால், அதிர்ஷ்டவசமாக அவரது நண்பர் அவரைப் போல் இல்லை, அவர் தனது உரையாடலை முடிக்க அனுமதிக்கவில்லை, அவர் அவரை வெட்டினார்: “நீங்கள் எப்படிப்பட்ட மனிதர்? மனைவியிடம் ஏன் இவ்வளவு கடுமையாக நடந்து கொள்கிறீர்கள்? ஒரு நல்ல கணவன் இப்படியா இருப்பது? அல்லாஹ்வின் தூதர் (ஸல்) அவர்கள் கூறினார்கள்: (பெண்களிடம் மென்மையாக இருங்கள், அவர்கள் கண்ணாடி போன்றவர்கள்.) நீங்கள் அவர்களுடன் மென்மையாக நடந்து கொள்ள வேண்டும், அவர்களின் இதயங்களை உடைக்காதீர்கள். அல்லாஹ்வின் பொருத்தமும் சாந்தியும் உண்டாவதாக என்று கூறினார்:
6️⃣ இந்த உலகம் தற்காலிக மகிழ்ச்சி, இந்த உலகின் சிறந்த தற்காலிக மகிழ்ச்சி நேர்மையான மனைவியே. சமைப்பது மற்றும் குழந்தைகளை வளர்ப்பது பற்றி நீங்கள் சற்று முன்பு குறிப்பிட்டதைக் கவனியுங்கள், இது அவளுக்கு கட்டாயமில்லை. ஆனால், அவளிடம் நன்றாக இருப்பது - அவளுக்கு உன்னை அதிகமாக நேசிக்க வைக்கும், மேலும் உன் மீது மோகத்தை ஏற்படுத்தும், நீ அவளிடம் சொல்லாமல் அவள் இதையெல்லாம் செய்வாள். அவள் உங்கள் பணிப்பெண் அல்ல என்பதை நீ அறிந்து கொள்ள வேண்டும். நண்பா, உன் சுய நினைவுக்குத் திரும்பு, அல்லாஹ்விடம் அழு, உனது மனைவியிடம் திரும்பிச் சென்று அவளைக் கெளரவித்து, அவளை மீண்டும் சோகமாக்காதே.
7️⃣ கணவன் துக்கமடைந்து, தான் செய்ததை நினைத்து வருந்தினான். பின்னர் அவர் தனது நண்பர்களின் மதிய உணவு அழைப்பிதழை ரத்து செய்து விட்டு, அவர்களுக்கு தனியாக மதிய உணவை தயார் செய்யவும் முடிவு செய்தார். பின்னர் தன்னுடைய மனைவிக்கு Call எடுத்தார், பதில் இல்லை. விரைவாக வீட்டிற்குச் சென்று அழைப்பு மணியை அடித்தார், ஆனால் பதிலில்லை. திடீரென்று அவனது தொலைபேசி ஒலித்தது, அது அவன் மனைவியின் சகோதரன். அவருக்கு உடல் நிலை சரியில்லை என்று உணர்ந்த அவரது மனைவி, அவரை மருத்துவமனைக்கு அழைத்துச் செல்ல அவரது சகோதரரை அழைத்தார். அவருடைய மனைவியின் சகோதரர் அவரிடம், “மச்சான் / அண்ணா, நாங்கள் மருத்துவமனையில் இருக்கிறோம்” என்றார். அந்த குரலில் சோகம் நிறைந்திருந்தது, இது கணவனின் இதயத்தை கிட்டத்தட்ட கொஞ்ச நேரம் நிறுத்தியே போட்டது, மனைவிக்கு ஏதோ மோசமான நிலை என்ற எண்ணம். உடனே அவர் டாக்ஸியை நிறுத்திவிட்டு மருத்துவமனைக்குச் சென்றார், அங்கு அவளுடைய குடும்பத்தினர் அனைவரையும் கண்டார். அவர்கள் முகத்தில் சோகம் தெரிந்தது, அவர்கள் தன் மீது கோபப்படுவார்கள் என்று அவர் நினைத்தார். ஆனால் என்ன நடந்தது என்று அவர்களுக்குத் தெரியாததால், அவரை எல்லோரும் வாழ்த்தி விட்டு மருத்துவருக்காக காத்திருந்தனர்.
8️⃣ பல மணி நேரங்களுக்குப் பிறகு, மருத்துவர் அவர்களிடம் தலை குனிந்து வெளியே வந்து அவர்களிடம் கூறினார்: "மிகுந்த சோகத்துடனும் துக்கத்துடனும் கூறுகிறேன், அல்லாஹ் அவள் மீது கருணை காட்டட்டும், She is not with us longer anymore." என்றார். எல்லோரும் அழுதார்கள், குறிப்பாக கணவர். அவர் வருந்தினார் மற்றும் தன்னை குற்றம் சாட்டினார். அவளுடைய தாய் அவளைக் குளிப்பாட்டினாள், அவள் அதே நாளில் அடக்கம் செய்யப்பட்டாள். மாலை நேரத்தில் கணவர், இறந்த மனைவியின் சகோதரனிடம் சாவியை வாங்கிக் கொண்டு வீடு திரும்பினார். அவர் வீட்டிற்குள் நுழைந்தார், அட்டையால் ஏதோ ஒன்று மூடப்பட்டிருப்பதை கண்டார். அவர் அட்டையை அகற்றி, சிறந்த சுவையான உணவுகளைக் கண்டு பிடித்தார், குளிர்சாதன பெட்டியின் கதவில் ஒரு காகிதம் தொங்குவதைக் கண்டார்.
9️⃣ அதில்: “என் அன்பே, நான் வருந்துகிறேன், ஏனென்றால் நீங்கள் பழகி வைத்திருக்கும் உங்கள் பழக்கவழக்கங்கள் மற்றும் மரபுகளை உடைக்க விரும்பினேன். ஏனென்றால், நீங்கள் இந்த கல் இதயத்திலிருந்து வெளியேற வேண்டும், மேலும் உங்களிடமிருந்து சில காதல் வார்த்தைகளைக் கேட்க வேண்டும், என்னைக் கட்டிப்பிடித்து நீங்கள் என்னை நேசிக்கிறீர்கள் என்று சொல்ல வேண்டும் என்றுதான் நான் அப்படி செய்தேன். என்னை மன்னியுங்கள், என் குழந்தைத்தனமான மனதை அப்படியே ஏற்று - நீங்கள் என்னை ஒரு குழந்தையைப் போல நடத்த வேண்டும் என்று நான் விரும்பினேன். உங்கள் நண்பர்கள் உணவை விரும்புவார்கள் என்று நம்புகிறேன், மேலும் நான் உங்களை ஒரு போதும் வருத்தப்படுத்த மாட்டேன் என்று உறுதியளிக்கிறேன், நான் உங்களை மிகவும் காதலிக்கிறேன்." என்று எழுதப்பட்டிருந்தது.
🔟 அவர், மேசையைப் பார்த்து, உணவை எல்லா இடங்களிலும் எறிந்தார், மேலும் அழுது, அழுது, உட்கார்ந்து கூறினார்: "என் அன்பே, நான் உன்னை என்ன செய்தேன்? என் கொடுமையால் உன்னைக் கொன்றேன், என்னை மன்னித்து விடு." என்று கதறி கதறி கூறினார் அந்த கணவர்..
இன்றைய இந்த உலகம் பக்கத்திலே இருக்கும் போது யாரும் யாரையும் புரிந்து உணர்ந்து கொள்ளவே மாட்டார்கள்..
- மூலமொழி: ஆங்கிலம்
- Unknown Person || தமிழில்: றஜா முஹம்மத்
